Веќе во првиот натпревар од полуфиналето на Западната конференција на НБА лигата, Минесота го изненади бранителот на титулата Денвер, совладувајќи го со 106:99. Најзаслужен за победата Ентони Едвардс кој постигна 43 поени, седум скока и три асистенции.
Тоа беше трет натпревар за Едвардс со најмалку 40 поени во плеј-офот, откако постигна 40 во натпреварот број 4 од серијата против Феникс, и 41 во минатогодишниот плеј-оф, негов прв, кога постигна 41 против Денвер, кој тогаш ја доби серијата со 4-1.
Едвардс беше одличен, но натпреварот го реши најдобриот шести човек на лигата
Од тие 43 поени, кои ги постигна со ефикасен шут од 17/29, Едвардс постигна 25 веќе во првото полувреме, а во четвртата четвртина играта ја презеде резервниот центар и официјално најдобар шести играч во лигата, Наз Рид, кој постигна 14 во последната четвртина од вкупните 16, од кои десет во низа во серијата 18:7, со која Минесота дојде на +11.
Карл-Ентони Таунс додаде 20 поени, Мајк Конли постигна 14 поени и 10 асистенции.
Никола Јокиќ заврши со 32 поени, шутираше само 11/25, имаше осум скока и девет асистенции, но имаше и седум загубени топки, кои гостите речиси редовно ги казнуваа во контранапади. Мајкл Портер Јуниор постигна 20 поени, а Џамал Мареј ги постигна сите 17 свои поени во вториот дел.
