Ако лани при крајот на мај тагуваше кога во последното коло ја загуби титулата во Бундеслигата, сега Един Терзиќ, стратегот на Дортмунд е во еуфорија. Тој го однесе својот тим во финалето на “Вембли“ кое ќе се одигра на 1 јуни. Дортмунд синоќа ја мина пречаката која се вика ПСЖ и заслужено се најде во големото финале.
Тренерот кој потекнува од овие екс – СФРЈ простори, на прашањето кого сака во финалето, Реал или Баерн, имаше хит изјава:
“Вечер на мечот Реал и Баерн нека има шест црвени картони, се надевам, тоа е мојата желба. Не ме интересира кој ќе победи. Знам дека против кого и да играме на `Вембли` нема да бидеме фаворити. Тешко ќе биде, но ние ќе се обидеме да дојдеме до пехарот, ова е фудбал, се е можно“ посочи Терзиќ.