Италијанскиот стручњак Серџо Скариоло го продолжи договорот со шпанската кошаркарска репрезентација, тој ќе остане селектор на Шпанија до 2028 година, соопшти денеска Кошаркарскиот сојуз на таа земја.
Скариоло е селектор на Шпанија од 2009 година, со двегодишна пауза од 2013 до 2015 година.
Со репрезентацијата на Шпанија, Скариоло ја освои титулата светски шампион (2019) и четири титули европски шампиони (2009, 2011, 2015 и 2022 година), како и два олимписки медали, сребро на Игрите во 2012 година и бронза во 2016 година.
Кошаркарите на Шпанија се уште не се пласирале на Олимписките игри во Париз. Пласман во Париз ќе се обидат на квалификацискиот турнир кој од 2 до 7 јули ќе се игра во Валенсија.
