Денеска од 17 часот на програмата се сите шест средби од претпоследното коло во оваа сезона. Јасно е дека сите погледи се свртени кон Тетово каде Шкендија и Струга ТЛ во меѓусебна битка ќе решаваат кој ќе биде шампион на Македонија.
Интересно ќе биде и на другите средби. Ако се знае кои екипи испаѓаат од елитата, тогаш не се знае кој ќе игра бараж за опстанок. Вардар е најголем кандидат, но тука се и Брера, Гостивар, Воска…
Инаку Вардар му гостува на Силекс во Кратово, значи му гостува на својот некогашен тренер Александар Васоски. Може да се каже дека и Горазд Михаилов, до пред некој месец тренер на Силекс а сега на Вардар, гостува во “своето“ Кратово.
Шкупи дома игра со Брера и се надева на добри вести од Тетово, јасно е дека посакува реми под Шара за да во последното коло се врати во “игра“ за титулата.
Во Кавадарци се среќаваат Тиквеш и Воска како предигра за тоа што ќе се случува на 22 мај во финалето на Купот на Македонија кога играат за пехарот овие две екипи. Убаво е да се види дали тренерите Мојсов и Захариевски денеска ќе тактизираат.
На останатите средби играат Гостивар – Работнички и Македонија ЃП – Брегалница. Во Ѓорче тоа ќе биде “второлигашки“ дуел зошто и двете екипи веќе се испаднати од елитата.
ДВОЈКИ ЗА 32.КОЛО – ДЕНЕСКА (17 Ч)
Шкупи – Брера
Шкендија – Струга ТЛ
Гостивар – Работнички
Тиквеш – Воска
Силекс – Вардар
Македонија ЃП – Брегалница
ТАБЕЛА
Шкендија 61, Струга ТЛ 61, Шкупи 58, Тиквеш 42, Работнички 41, Силекс 41, Воска 40, Гостивар 40, Брера 38, Вардар 35, Брегалница 27, Македонија ЃП 26..бодови
