Шампионска прослава на Реал (М), навивачите скандираа: Лука остани! (ВИДЕО)

333

Фудбалерите на Реал Мадрид денеска пред илјадници насобрани навивачи ја прославија титулата шпански шампион во центарот на Мадрид. „Кралскиот клуб“ по 36-ти пат ја освои шампионската титула во Ла Лига.

Играчите се собраа утрово во кампот на клубот во Валдебебас, северното предградие на Мадрид. Претседателот на шпанската фудбалска федерација таму им го врачи пехарот бидејќи претходно вечерта играа во Гранада на гости.

Хрватскиот играч за врска Лука Модриќ го подигна трофејот со соиграчите, а за него ова е четврта титула шпански шампион откако дојде на „Бернабеу“ од лондонски Тотенхем во летото 2012 година.

Играчите облечени во свечени бели кошули и темни костуми со вратоврски се фотографираа на помошниот терен. Фудбалерите потоа отидоа со белиот клупски автобус до главниот плоштад во Мадрид, Пуерта дел Сол, и го донесоа трофејот во зградата на регионалната влада во Мадрид. Шампионите таму ги пречека регионалната претседателка Изабел Дијаз Ајусо.

„Шампиони, шампиони…!, одекнуваше на плоштадот, а на насобраните фанови им се обрати Модриќ кој им се заблагодари за „неверојатната поддршка во текот на целата сезона“.

Публиката и неговите соиграчи го прекинаа скандирајќи „Лука, остани!“.

ПретходноГандо Биала: Го респектираме Гостивар, но и веруваме во своите можности!
СледноКадетите на Струмица се нови шампиони на Македонија

ПОВРЗАНИ СОДРЖИНИПОВЕЌЕ ОД АВТОРОТ