Со нови 20 постигнати поени, зачинети со три скока и 6 асистенции, Ненад Димитријевиќ го поведе Уникс Казан до втората победа во полуфиналето на плеј-офот во ВТБ лигата. По двата изненадувачки порази во минатите две средби, Уникс Казан вечерва направи брејк на гостински терен и ја врати надежта кај своите фанови за пласман во големото финале.
Нено беше лидер во составот на Уникс вечерва, шутирајќи 6/9 за два и 1/3 за три поени. Покрај него, добра партија кај Уникс имаа и Рејнолдс со 18 и Лабејри со 13 поени.
Серијата продолжува во Казан во четврток.
