Капитенот на македонската ракометна репрезентација, Никола Митревски, зад своето име запиша седум одбрани против Фарски Острови. Дел од нив ги имаше во второто полувреме кога Македонија почна да ја гради позитивата за пласман на СП 2025 година.Искусниот голман пред почетокот на бараж мечевите кратко за нашиот портал изјави дека ја гледа Македонија на Мундијалот. По вчерашната победа, го прашавме дали истото мислење го имал и по убедливиот пораз на првата средба.
„Секогаш е вака кога играме бараж за СП, салата е вака исполнета. Тој еден гол што го постигнавме повеќе е заслуга на публиката. Не носеа сите 60 минути и кога имавме добри моменти и кога имавме лоши моменти, секогаш ни беа ветер во грб. Заедно сите кои што бевме присутни во салата успеавме да избориме пласман на Светското првенство“.
