Одбранбениот фудбалер Рафаел Варан ќе го напушти Манчестер Јунајтед по завршувањето на сезоната откако ќе му истече договорот со клубот. Засега не е познато која е идната дестинација на францускиот репрезентативец.
Варан го напушти Реал Мадрид во 2021 година за да се пресели на „Олд Трафорд“, а со англискиот клуб освои само Лига купот минатата сезона. Поради повреди често не беше во тимот, а и оваа сезона не е страндарден.
Варан со Реал освои три титули во Ла Лига, еден во Купот на Шпанија и четири во ЛШ. Тој е поврзуван со клубови од Саудиска Арабија и МЛС, но се споменува и емоционално враќање во клубот од детството – Ленс.
