Тренерот на Пари Сен Жермен, Луис Енрике одговори на прашање за иднината на Килијан Мбапе. Претходно, напаѓачот на ПСЖ во видео најави дека ќе го напушти парискиот клуб по крајот на сезоната. А Енрике, запрашан за тоа што мисли, одговори.
„Денес врне дожд, но во исто време е и убав ден бидејќи воздухот мириса поинаку. Навистина ги сакам врнежливите денови, ме потсетуваат на мојот роден град Хихон. Мислам дека одлично одговорив на вашето прашање“, изјави тренерот на ПСЖ.
