Во рамките на 5. коло од групната фаза од Копа Либертадорес, Палмеирас рано утринава по наше време славеше против Индипенде дел Вале од Еквадор. Резултатот беше 2:1.
Од оваа средба стигна многу лоша вест за навивачите на Палмеирас и Реал Мадрид, во 60. минута младиот Ендрик мораше да ја напушти играта поради повреда. Овој 17-годишен бразилски офанзивец, кому Реал Мадрид на Палмеирас му плати 47 милиони евра, не можеше сам да го напушти теренот.
Откако беше изнесен надвор од теренот, тој клекна до клупата и изгледаше видно загрижен. Набргу потоа лекарскиот тим нанел мраз на болното место.
🚨 JUST IN: Endrick is injured and had to leave the pitch on a stretcher.
The extent of the injury is still unknown. pic.twitter.com/0OeX0YSxvN
— Madrid Zone (@theMadridZone) May 16, 2024
Се уште не се знае колку е сериозна повредата што ја заработи Ендрик. Повредата се случи на околу еден месец пред почетокот на Копа Америка каде беше повикан да ги брани боите на Бразил, а сега се е во воздух.
Тој во јули треба да му се приклучи на Реал Мадрид, а останува да се види во каква состојба ќе биде во главниот град на Шпанија по оваа повреда што ја заработи синоќа.
