Јувентус синоќа успеа да дојде до пехарот во Купот на Италија. Во финалето на “Олимпико“ во Рим, составот на стратегот Макс Алегри успеа да слави над Аталанта со 1:0 и тоа со голот на Душан Влаховиќ.
Сепак по мечот се случил скандал и тоа во изведба на Алегри.
Тој очигледно бил незадоволен од работата на директорот на “Тутоспорт“ Гвидо Вакаџо, па му упатил крајно непријатни зборови:
„Ќе ви ги скинам ушите, господине новинар. Г*мно едно, пишувај ја вистината, а не тоа што ви го кажуваат клубовите“ покрај другото кажал стратегот на Јуве.
