Некогашниот гигант, тимот на Тетекс во следната сезона ќе игра во Трета лига. Додека Победа, исто така некогашен гигант на мак – фудбалот преку бараж ќе се обиде да ја избегне судбината на Тетекс.
Ова е епилогот од денешното 30. и последно коло во ВМФЛ. Осогово со 3:0 го победи Пелистер и успеа да избори опстанок во последен момент, додека Саса на свој терен со 5:3 го победи Вардар (Н) и исто така успеа да се спаси.
Тетекс на гости беше поразен од Башкими со 1:0, додека Беса за разлика од Пелистер, среде Прилеп покажа кој е кој славеше над Победа и ја испрати во бараж. Караорман уште пред некое коло ги загуби сите шанси и тој тим испадна од лигата.
Со ова заврши сезоната во ВМФЛ, одамна се знаеше дека Беса и Пелистер следната сезона ќе играат во елитата а Детонит ќе игра бараж со Вардар за пласман во ПМФЛ.
РЕЗУЛТАТИ ЗА 30.КОЛО
Охрид – Кожув 2:0
Башкими – Тетекс 1:0
Беласица – Арсими 2:1
Детонит – Караорман 2:0
Саса – Вардар (Н) 5:3
Новаци – Скопје 2:1
Осогово – Пелистер 3:0
Победа – Беса 1:5
