Одделот за фудбал на Меѓународниот центар за спортски студии (CIES) ги објави резултатите од истражувањето кое покажува кои фудбалери, според нивните анализи, имале најголемо влијание врз успехот на нивниот тим во сезоната 2023/24. На врвот ги нема ниту Винисиус, ниту Килијан Мбапе, па ниту Ерлинг Халанд.
CIES претставува список на играчи, без голманите, чии настапи имаа најголемо влијание во 54 лиги ширум светот во текот на сезоната 2023/24. Ефектот беше пресметан со земање предвид на учинокот на играчите во шест области од играта, земајќи ги предвид одиграните минути и резултатите во домашното првенство. Највисока вредност меѓу сите фудбалери забележа шпанскиот играч за врска на Манчестер Сити, Родри (коефициент 98,5), кој според аналитичарите на CIES е фудбалерот кој има најголеми засилуги за успехот на својот тим оваа сезона.
За влијанието на Шпанецот доволно говори податокот дека е непоразен во сите натпреварувања на неверојатни 73 меча. Со победата против Тотенхем во вторникот дури го израмни рекордот на две легенди на Милан од претходниот милениум, Паоло Малдини и Деметрио Албертини, кои исто така не ја вкусија горчината на поразот 73 натпревари. Доколку Сити ја заврши сезоната без пораз од Вест Хем во недела, Родри ќе биде апсолутен рекордер.
На второто место е уште еден играч од средниот ред, Швајцарецот Гранит Џака од германскиот шампион Баер (коефициент 92,3). Овој централен играч за врска пред почетокот на сезоната се пресели во Леверкузен откако неколку години беше член на лондонски Арсенал. Под раководство на Чаби Алонсо, тој беше еден од клучните играчи на патот до титулата во Бундеслигата во Баер.
На третото место се најде уште еден играч од средниот ред и поранешен соиграч на Џака во Лондон, Норвежанецот Мартин Одегард , кој беше главната креативна сила на Арсенал во последниот период (коефициент 89,9). По него следуваат Португалецот Рубен Диас, кој постигна највисоки резултати меѓу централните дефанзивци, неговиот соиграч Кајл Вокер кај бековите, Германецот Флоријан Виртц меѓу офанзивните играчи од средниот ред, Англичанецот Букајо Сака меѓу крилните напаѓачи и Аргентинецот Лаутаро Мартинез меѓу централните напаѓачи.
