Јирген Клоп се прости од Ливерпул и прашање е што следува во неговата кариера. Поранешниот англиски репрезентативец, а денес стручен фудбалски коментатор Гери Линекер тврди дека добил информација дека следната работа на славниот Германец нема да биде тренерската работа.
Клоп го води Ливерпул од 2015 година. За време на неговиот мандат, тој му донесе осум трофеи на клубот, вклучувајќи ја првата титула во Премиер-лигата во 2020 година, односно прва во англискиот шампионат од 1990 година, а во 2019 година и трофејот за освојувачот на Лигата на шампионите. Ливерпул таа година го освои најсилното европско клупско натпреварување за прв пат од 2004 година.
Германскиот стручњак ги освои сите натпреварувања што ги водеше со Ливерпул, освен Лигата на Европа каде го загуби финалето од Севиља. Пред да пристигне во Ливерпул, тој беше тренер на Борусија Дортмунд, со која од 2008 година до неговото заминување освои пет трофеи, од кои два за најдобриот тим во Бундеслигата. Неговото враќање во Дортмунд е можно, тврди Линекер.
„Ќе биде интересно да се види што ќе прави понатаму. Мислам дека прво ќе одмори, му верувам кога ќе каже дека е исцрпен. Можете да видите колку е напорна тренерската работа. Во годините што доаѓаат, ќе има битки или барем клубови ќе чекаат на ред со надеж дека ќе го ангажираат“, рече Линекер, додавајќи:
„Слушнав гласини дека тој би можел да стане претседател на Борусија Дортмунд, тоа би било одлично“.
