Финалниот натпревар во М18 лигата во кој се сретнаа екипите на Вардар и Водно Санс донесе одлична игра од двата финалисти. Ефикасна, возбудлива, на крај и драматична завршница во која како победник излегоа кошаркарите на Вардар, славеа со 106-97.
Кај Вардар, Марјановиќ постигна 25 поени (имаше и 11. скока, и четири асистенции), Лукановски освен 25 поени придодаде и 19 скока (и пет асистенции), а ги следеа Најдов, односно Младеновски со по 16. поени, додека Трајковски заврши со 13.
Ќириловски и Трајанов, заедно со Д. Бутемер го предводеа тимот на Водно Санс.
Актуелниот јуниорски репрезентативец и играч на КК Вардар, Марко Лукановски е најкорисниот играч на завршниот турнир од М18 лигата на Македонија во машка конкуренција.
Центарот на „вардарци“ имаше две одлични изданија, како во полуфиналето така и во мечот за титулата. Доминираше на двете страни од теренот, а финалниот меч, против екипата на Водно Санс стигна до индекс на корисност 46.
М18 ЛИГА-МАЖИ – ФИНАЛЕН ТУРНИР
РЕЗУЛТАТИ И РАСПОРЕД НА НАТПРЕВАРИТЕ
ПОЛУФИНАЛЕ
Водно Санс – Феникс 2010 84:78
Вардар – Кожув 97:74
ЗA ТРЕТО МЕСТО
Феникс 2010 – Кожув 84:67
ФИНАЛЕ
Вардар – Водно Санс 106:97
