Играчот од средниот ред на Манчестер Сити, Џек Грилиш го опсипа со суперлативи својот соиграч Ерлинг Хaланд. Норвежанецот стана најдобар стрелец во сезоната во Премиер-лигата со 27 гола, но сепак привлече многу критики за неговите игри во текот на сезоната. Сепак, според Грилиш, тие биле незаслужени.
„Тој е едноставно неверојатен, вистински „убиец“. Тој постигна 27 гола во Премиер лигата оваа сезона, но сепак чувствував недостиг на почит кон него. Некои луѓе велеа дека тој не е доволно добар. Но, за мене, тој е неверојатен. Тој секогаш е на вистинското место во шеснаесетникот, не можам да мислам на доволно суперлативи што ги заслужува.
Се снаоѓаме навистина добро, тој е брилијантен човек и секогаш му е задоволство да се биде покрај него. Не се сеќавам дека сум видел друг играч како него со таква работна етика. Работите што ги прави, вклучително и тоа како спие за да се опорави … Никогаш не сум видел нешто слично, тоа ми покажува зошто е толку успешен“, изјави играчот од средниот ред.
