Попладнево се одиграа сите три баражи за пласман во ВМФЛ, по што познати се екипите кои следната сезона ќе играат во ова натпреварување, а тоа се Победа, Борец и Вардарски.
Во Ѓорче екипата на Победа со 2:1 го победи Куманово, во меч на кој единствената трибина беше преполна и со тоа се избори за опстанок во Втората лига. Кумановци имаа големи амбиции, но ќе почекаат барем до следниот мај.
На стадионот “Борис Трајковски“ во Скопје, тимот на Вардарски со 3:2 успеа да го совлада Кораби и со тоа обезбеди пласман во ВМФЛ за следната сезона.
И во Битола, составот на Борец со 3:2 го победи Велазерими и ги оствари амбициите, да се врати во Втората лига. Голема беше радоста на велешани, од друга страна голема беше тагата кај сите во клубот од Кичево.
