Саутемптон се врати во Премиер-лигата откако го совлада Лидс со 1-0 на Вембли во финалето на плеј-офот на Чемпионшип. Стрелец на единствениот гол беше Адам Армстронг во 24. минута.
Саутемптон по трет пат во сезоната го совлада Лидс и во оваа смисла го заслужи своето место во елитата.
LEEDS UNITED 0-1 SOUTHAMPTON
⚽ 24′ Adam Armstrong (#SaintsFC)
🅰️ Will Smallbone#EFLPlayOffs #EFLpic.twitter.com/FMChFxISVz— Goalsreplay (@Goalsreplayy) May 26, 2024
Овој судир традиционално се нарекува најскапиот натпревар во фудбалот. Според последните пресметки, на победникот ќе му се гарантираат минимум 140 милиони фунти во следните три сезони. Таа сума би можела да се искачи на 305 милиони доколку тимот што ќе освои промоција избегне испаѓање во првата сезона во Премиер лигата.
Лидс забележа негативен рекорд бидејќи стана првиот клуб кој загубил четири финалиња во плеј-офот. Пред денес, тоа им се случи и во сезоните 1986-87, 2005/06 и 2007/08. Саутемптон до сега има само едно такво финале и тоа е изгубено од Дерби Каунти на пенали во 2007 година.
