Втора сезона по ред титулата во Турција оди кај Галатасарај. Во последното коло тимот предводен од Окан Бурук го совладада Коњаспор и заврши на првото место со три бода повеќе од второпласираниот Фенербахче.
За Галата тоа е 24 титула во историјата, а освоените 102 бодови се најдобриот резултат во историјата на Суперлигата. Со тоа го урна претходниот рекорд на Фенербахче од 99 бодови од 1988/89.
Интересно, Фенербахче кој заврши втор има најмногу голови (99) и најдобра гол разлика (+68) и само еден пораз но не ја освои титулата. Шампионот Галата заврши со три порази, но разликата ја направија нерешените мечеви. Галата ги имаше три, а Фенер шест. Фенер го изедначи сопствениот рекорд по освоени бодови (99).
Галата и Фенер ќе играат во ЛШ, Трабзон и Бешикташ во Лига Европа, а Башакшехир во Лигата на конференции.
