Холандската фудбалска асоцијација ќе се најде пред проверка од независна агенција по сериозните обвинувања за долгогодишно форсирање на одредени фудбалски клубови.
Прволигашот АЗ Алкмар ја обвини федерацијата дека континуирано ги фаворизира ПСВ, Ајакс и Феенорд, а за сето тоа тврди дека има и неоспорни докази, кои треба да се најдат во раце на независна агенција.
Вчера дојде до гласање на 34-те професионални клубови на Холандија и оттука беше изгласано дека мора да се покрене истрага.
Ајакс и Феенорд се воздржаа од гласање, поради што на гласањето немаше ниту еден глас против.
