Попладнево и Баерн Минхен се пофали официјално со нов тренер. А тоа е Винсент Компани, досегашниот тренер на Барнли, на нашиот Дарко Чурлинов. Интересно, “баварците“ ангажираа тренер кој оваа сезона со својот тим испадна од Премиерлигата.
Но така е тоа ако се знае дека Баерн Минхен беше откачен од седум – осум познати стратези кои не прифатија да бидат наследници на Томас Тухел, дури и него го молеа да остане, па сега ќе морат да се задоволат со перспективен, но крајно неискусен тренер.
Инаку познато е дека Компани имаше блескава фудбалска кариера, беше долгогодишен дефанзивец во селекцијата на Белгија.
Што се однесува до договорот меѓу Баерн и Компани, тој е со важност до 2027 година.
Прашањето е дали навистина во светот на фудбалот верува дека Компани ќе издржи на жешката клупа на гигантот од Минхен цели три години.
3️⃣ questions with our new head coach, Vincent Kompany 👋📽️#MiaSanMia pic.twitter.com/sN54Lxlmh9
— FC Bayern Munich (@FCBayernEN) May 29, 2024
