Жозе Мурињо очигледно ќе ја продолжи тренерската кариера во Турција. Специјалниот неодамна се сретна со раководството на Бешикташ и изрази подготвеност да дојде во клубот, а сега во битката за неговиот потпис се вклучи и Фенербахче.
Поранешниот претседател на големиот истанбулски клуб и кандидат за овогодинешните избори, Азиз Јилдирим тврди дека договорил соработка со Мурињо во следните три години.
Јилдирим најавува големи работи и сака конечно да му ја врати титулата на Фенербахче по повеќе од една деценија чекање.
“Доаѓам да станам шампиони. Зборував два часа со Жозе Мурињо, ги договоривме условите и тој е подготвен да дојде. Ќе разговараме повторно во сабота во Англија. Ако се биде добро, ќе го доведам Мурињо во Истанбул следната недела. Не можам да ви кажам ништо во врска со засилувањата, тоа ќе ви каже новиот тренер, а тоа можам да ви кажам дека во следните три години е Жозе Мурињо“.
Јилдирим раководеше со Фенер 20 години, од 1998 до 2018 година. Тогаш актуелниот претседател Али Коч го победи на изборите.
Фенер имаше голем успех под негово водство. Шампионатот беше освоен шест пати, играа во полуфиналето на Европската лига, четврт-финалето на Лигата на шампионите. Кошаркарскиот тим за прв пат ја освои Евролигата.
