Попладнево на тренинг центарот на ФФМ во Скопје, во меч од 3.коло во квалификациите за ЕУРО во Ц лигата, женската репрезентација на Македонија ќе ги одмери силите со Молдавија.
По првите два меча избраничките на селектор Александар Андов имаат победа и пораз и со три бода сега се на 2.место на табелата. Секако дека против Молдавија се очекува добра партија и нова победа иако ќе играме без една од најдобрите фудбалерки, а тоа е Гентијана Рочи.
Ова е важен меч за нашата најдобра женска репрезентација, секако дека се очекува победа и освојување на три бода, но ова ќе биде и одлична можност за нашите девојки да го искажат сиот свој потенцијал.
Веќе во вторник во меч од 4.коло Македонија ќе и гостува на Молдавија во Кишињев.
