Кадетската репрезентација на Србија не успеа да се пласира во финалето на фудбалското ЕП кое се одржува на Кипар, затоа што изгуби во полуфиналето од Португалија со 2:3 иако водеше со 2:0.
Во првото полувреме српските фудбалери ја надиграа Португалија и поведоа со 2:0. Водството го имаа до 60-тата минута и потоа се тргна наопаку. Габриел Силва намали, потоа во 89 минута Родриго Мора изедначи. Во петтата минута од судиското продолжение Жоао Тровиско ги однесе Португалците во финалето.
Во финалето Португалија ќе игра против Италија која ја победи Данска со 1:0 во другото полуфинале.
