Вечерва во Ријека, во пријателски меч, Македонија по деветти пат во својата историја, ќе ги одмери силите со силната селекција на Хрватска, која во својата самостојност има двапати бронза и еднаш сребро на СП. Секако дека против себе и тоа како ќе имаме звучен тимм веројатно еден од оние кои во моментов се во ТОП-5 во Европа.
Кога сме кај традицијата да кажеме дека на тие осум средби сме победиле само еднаш, имаме пет порази и две ремија.
Се започна на 14 октомври 1998 година кога во Загреб во квалификациите за ЕП 2000 бевме поразени со 3:2. Стрелци на головите беа Шукер и двапати Бобан, а кај нас Шаиновски и Ќириќ.
На 5 јуни 1999 во рамките на истите квалификации во Скопје беше 1:1 и тоа со головите на Христов и Шукер.
На 9 февруари 2003 година во Шибеник во пријатлски меч одигравме 2:2 со головите на Мариќ, Андриќ за Хрватска, а Седлоски и Толески за Македонија.
Во 2004 година во Скопје во пријателски меч Хрватска со голот на Класниќ победи со 0:1.
Три години подоцна, на 24 март 2007 година на “Максимир“ во Загреб, во меч од квалификациите за 2008, водевме со голот на Седлоски, но сепак Хрватска победи со головите на Срна и Едуардо.
На 17 ноември истата година конечно победа и тоа во Скопје со головите на Мазнов и Наумоски.
Во 2012 година во рамките на квалификациите за СП 2014, два порази. Прво во Загреб со голот на Јелавиќ од 1:0, за да потоа и во Скопје со 1:2 со головите Ибраими за Македонија, а Чорлука и Ракитиќ стрелаа за гостите.
