Освојувачот на Купот на Македонија и еден од тимовите кои летово ќе ја претставуваат нашата земја во еврокуповите, кавадаречки Тиквеш, од денеска е посилен за уште едно ново име.
А тоа Михаил Маневски, одличниот лев бек кој во пролетната полусезона играше за Брегалница.
Левиот офанзивен бек, кој има 25 години, претходно играше и за Гостивар, Силекс, Шкендија, А. Пандев.
Се разбира со Маневски составот на стратегот Ѓоко Мојсов ќе биде осетно поквалитетен во пресрет на евро настапите и следната сезона на домашна сцена.
Досега ова лето Тиквеш се засили со Стефан Тасев, Давид Манасиевски, Ѓорѓи Ѓорѓиев, сега и Михаил Маневски, се врати Алмир Чубара, а во секој момент треба да пристигнат двајца интернационалци од Бразил.
