Килијан Мбапе никогаш не криел дека негов голем идол во детството бил Кристијано Роналдо, кој сега игра за Ал Наср од Саудиска Арабија.
Кога бил момче на ѕидовите од својата соба имаше постери од Кристијано Роналдо, а сега направи чекор во кариерата да ги следи неговите стапки.
Тој израснал во Париз и во текот на своето детство бил опседнат со идејата да ги прави сите работи што ги правел неговиот пример, а тоа секако бил големиот Кристијано Роналдо. Тој поминувал часови и часови гледајќи видеа од Португалецот.
Десет години подоцна, Мбапе јасно и кажа колкаво влијание имал Кристијано Роналдо врз неговата кариера. Тој кажа се за шпанска Марка.
„Тој е мојот херој од детството и беше неверојатно што го запознав во живо“, изјави Мбапе.
Сега сите тие години гледање на Кристијано Роналдо во дресот на Реал Мадрид се исплатат бидејќи Мбапе ги следеше истите чекори и потпиша за клубот од Шпанија.
„Мојот сон се оствари“, изјави Мбапе откако потпиша договор со Реал Мадрид и откако официјално беше претставен како играч на овој клуб.
„Толку сум горд што се приклучувам на клубот од моите соништа. Никој не може да разбере колку сум возбуден во моментов“, изјави Мбапе.
Мбапе на тој начин објави неколку фотографии со споменатиот текст, а на една фотографија се тој и Кристијано Роналдо.
Не му требаше многу време на Кристијано Роналдо да се јави и да му испрати одговор на Мбапе.
„Мојот ред е да гледам. Возбуден сум што ќе те гледам како правиш хаос на Бернабеу“, напиша Роналдо во коментарот на објавата на Мбапе.
