Германскиот тенисер Александар Зверев синоќа се пласираше во четвртфиналето на Ролан Гарос откако го совлада Данецот Холгер Руне со резултат 3:2 во сетови (4:6, 6:1, 5:7, 7:6 (7:2). 6:2).
Натпреварот траеше четири часа и 15 минути, а заврши дури два часа по полноќ.
Четвртиот тенисер во светот очигледно се „претплати“ на големи пресврти и други мечеви оваа година на Ролан Гарос.
Разликата во првиот сет беше направена со брејк во петтиот гем, благодарение на што Зверев поведе со 1:0 во сетови, а по првиот брејк во многу долгиот втор гем, Руне многу лесно можеше да дојде до израмнување.
Третиот сет донесе тотален пресврт во корист на данскиот тенисер кој победи со 7:5, но четвртиот сет го доби Зверев по одличната игра во тај-брејкот.
Во последниот, петти сет, клучен беше четвртиот гејм кога Зверев го „скрши“ својот ривал, кого на крајот го совлада користејќи ја втората меч топка.
Следен ривал на Александар Зверев ќе биде Австралиецот Алекс Де Минор.
