Ливерпул понудил 45 милиони евра (38 милиони фунти) за дефанзивниот халф на Аталанта, Едерсон, тврди бразилскиот спортски новинар Жорж Никола. Се уште не е јасно дали има повратен одговор од Аталанта.
Се претпоставува дека Аталанта го цени својот 24-годишен Бразилец на 50 милиони евра, па можно е двата клуба да се „исценкаат“ и да биде договорена сумата од 45 милиони евра.
Едерсон имаше одлични настапи оваа сезона. Тој беше и еден од најдобрите играчи во финалето на ЛЕ против Баер Леверкузен кога италијанскиот тим го освои трофејот.
Освен тоа се споменува и дека Ливерпул сака уште еден играч на Аталанта, а тоа е Тин Копмајнерс. Инаку фудбалерот и новиот тренер на Ливерпул, Арне Слот заедно работеа во АЗ Алкмар.
Па од тука Слот предложил овој фудбалер да се донесе на „Енфилд“.
