Денеска ќе биде познато името на новиот освојувач на Лигата на шампиони. Во Ланксес Арената во Келн силите ќе ги одмерат Барселона и Алборг, мечот стартува во 18 часот.
Правдата во финалето ќе ја делат најдобрите македонски судии, Ѓорѓи Начевски и Славе Николов, ова е прво ЛШ финале за нив.
Но, тие не се единствените Македонци на Ф4. Браќата Кирил и Филип Лазарови се во Келн. Кирил е специјален гостин на ЕХФ, најдобриот македонски бомбардер е дел од историјата на ова натпреварување. Тој е најдобриот стрелец во Лигата на шампиони и втор на листата на стрелци н фајналфор-турнирот, до лани беше рекордер и по оваа статистика.
