Македонскиот фудбалски шампион Струга Трим Лум се пофали со екстра засилување за новата сезона во која ќе ја брани титулата и добар настап во фудбалска Европа како минатата сезона. Нов играч е дефанзивниот играч за врска Стефан Јевтовски кој доаѓа како слободен фудбалер откако му истече договорот со Ујпешт од Унгарија.
Инаку тој има солидна интернационална кариера затоа што покрај Ујпешт настапуваше и во Арсенал Киев, Вараждин, Локомотив Пловдив, а во македонскиот шампионат ги бранел боите на Работнички и Металург Скопје.
