Не е тајна дека Пеп Гвардиола следниот јуни веројатно ќе го напушти Манчестер Сити. Откако освои се што можеше да се освои, откако на пребогатите газди од ОАЕ им донесе лани и трофеј во ЛШ, се чини дека Каталонецот е пред нови предизвици.
Сепак челниците на Сити се надеваат дека ќе успеат да го задржат еден од најдобрите тренери во историјата на фудбалот и дека ќе потпишат нов договор.
Се шпекулира дека тие му ветиле на Пеп дека ако остане на „Етихад“ ќе му го донесат и Џуд Белингам, мега – ѕвездата на Реал Мадрид и тоа за 200 милиони евра, ако треба и повеќе.
Од друга страна Пеп секако знае дека ова е тешко остварливо и дека Реал Мадрид, односно Флорентино Перез тешко дека ќе се откаже од услугите на својот најдобар играч, па макар тоа биле 200 милиони евра, па и повеќе.
