Полскиот голман Војчех Шчесни најверојатно ќе премине во редовите на Ал Наср од Саудиска Арабија. Тој не е повеќе во плановите на торинскиот Јувентус па сигурно ќе оди во друг клуб, а неговиот поранешен соиграч Кристијано Роналдо го наговара да премине во Ал Наср место во Монца која исто така се интересира за ветеранот.
Ал Наср му спремил двегодишен договор и многу повисока плата од онаа во Јувентус. Според „Тутоспорт“, Роналдо го советува полскиот голман да му се приклучи во Саудиска Арабија, во шампионат кој е во подем и во кој веќе има неколку големи фудбалски ѕвезди.
