Во петок започнува Европското првенство во Германија, а на самиот старт домаќинот на турнирот за противник ќе ја има Шкотска. Островјаните во мечот влегуваат како аутсајдери, но само на хартија. Шкотите оптимистички гледаат на премиерата на Евро 2024 и велат дека се подготвени за прва победа.
„Се случиле и почудни работи во фудбалот. Имаме навистина, навистина талентиран состав овде, кој е исто така добра група на играчи кои играат на највисоко ниво. Нема причина зошто не можеме да одиме таму и да победиме, но тоа можеме да го направиме само ако ја покажеме најдобрата верзија од себе и се држиме до планот“, вели крилниот напаѓач Луис Морган.
27-годишниот Морган има одиграно само два натпревари за Шкотите.
