„Спортспорт“ не мирува. Иако летниот период е препознатлив по репрезентативните збиднувања, но пред се одмор за младите играчи, сепак, најдобриот спортски сајт во Македонија, има што да понуди како домашна фудбалска содржина и во „пеколниот“ месец јуни.
Во серијата на млади и ултра талентирани млади фудбалери со потекло од Македонија, а кои настапуваат ширум светот денеска ви претставуваме вистинки дијамант.
Се работи за Дамјан Крстов, момче кое што ни помалку ни повеќе е дел од академијата на големиот Ајакс. Тоа самото по себе, и да немаме било каква друга информација за ова младо момче кажува многу. Во Ајакс од Амстердам играат најдобрите, а очигледно дека Крстов е во таа категорија, иако има само 14 години односно е роден 2010 година.
Станува збор за офанзивно настроен играч кој што головите и асистенциите не му се непознаница напротив. Спортспорт дознава дека од страна на ФФМ веќе е покрената сериозна иницијатива, Крстов да биде повикан на еден од селективните кампови па она што неговото портфолио го најавува сите да го видиме и на дело.
