Хајдук Сплит оваа сезона беше блиску до титулата но му избега по низата лоши резултати во финишот на сезоната. Клубот од „Пољуд“ одамна е без титула (речиси 20 години), а имаат големи амбиции за следната.
Го ангажираа темпераментниот Џенато Гатузо за тренер кој сака да има силен тим во новата сезона. Никола Калиниќ, поранешниот хрватски репрезентативец е назначен за спортски директор и сега се цели кон засилувања.
Неофицијално, Калиниќ го барал Един Џеко кој игра за Фенербахче. Искусниот напаѓач од БиХ разговарал со челници на Хајдук кои после него разговарале и со Иван Ракитиќ кој е слободен играч откако си замина од Севиља.
