Додека Николо Барела и Давиде Фратези се вратија на тренинзите, Италија сигурно останува без играчот од средниот ред на Јувентус, Николо Фаџоли, за првиот натпревар со Албанија на ЕВРО 2024 година. Фаџоли има повреда која ќе го принуди да мирува на првиот меч.
„Скај Спорт Италија“ вечерва објави дека Фаџоли е исклучен од тимот за претстојниот натпревар бидејќи се здобил со модринки на фибулата. Повредата не е од сега, туку Фаџоли ја влече од последната пријателска средба и победа над Босна и Херцеговина.
