„Ништо, тажен сум затоа што загубивме и тоа е тоа“, рече Лука Дончиќ што е можно пократко кога новинарите го прашаа по поразот во финалето на НБА. Одличниот Дончиќ го водеше тимот на секој меч од финалето на НБА, но главно ја немаше поддршката од соиграчите. Од самиот почеток на серијата играше повреден, но тоа не му е важно. Тој смета дека вината што не ја освоил титулата е најмногу кај него.
„Не беше важно колку сум повреден и дали сум повреден. Бев на теренот, се обидов да играм, но не направив доволно“, изјави Дончиќ по уште еден дабл-дабл со 28 поени и 11 асистенции во петти натпревар од финалето на НБА.
На секој натпревар Далас остануваше на мал број поени, а причина за тоа е самиот ривал.
„Тие беа многу физички присутни. Тие се одличен тим и тоа се работите што ги прават“.
На крајот го прегрна Кајри Ирвинг, а додека сите го критикуваат искусниот шпиц за слабите игри во финалето, предводникот на Далас верува во него.
„Само да останеме заедно. Одлично е што го имаме Кири во тимот и мора да се бориме заедно следната сезона и да веруваме“, заклучи тој.
