Европската ракометна федерација денеска ќе одржи состанок, а главната тема се вајлд-картите за учество во Лигата на шампиони следната сезона. На листата на екипи кои поднеле барање за настап во најсилното европско клупско натпреварување е актуелниот македонски првак Пелистер. На списокот се најде уште 11 кандидати, а меѓу нив се: Загреб, Фредериција, Бидасоа, Нант, Пик Сегед, Елверум, Кјелце, Порто, Динамо Букурешт, Кадетен Шафхаузен и Татран Прешов.
ЕХФ денеска ќе донесе одлука кој ќе добие вајлд-карта, а конечната одлука за седумте слободни места ќе биде соопштена на 21 јуни.
Сигурни учесници се: Алборг, Барселона, ПСЖ, Магдебург, Фуксе Берлин, Веспрем, Колстад, Висла Плоцк и Спортинг.
