Втората фаза од подготовките за на настап на младинскиот Евробаскет во Полска, селекцијата „Под 20“ години на Македонија ја започна со контролен натпревар, и тоа на гостински терен, во Подгорица, во кој домаќините стигнаа до победата со резултат (66:55).
Во поголем дел од оваа прва проверка, посебно во првото полувреме Црногорците имаа резултатска предност.
По пет миниити од играта, домашната селекција водеше со (12:4), за првиот период го реши во своја корист со (17:11). Не баш ефикасно се играше и во втората, во која одново Црна Гора имаше предност, но не и двоцифрена, па на полувремето резултатот беше сличен, водство на домашниот тим со резултат (32:24).
Најдобрите минути на македонските младинци беа по одморот.
Во оние од третата четвртина, Македонија успеа да го сврти резултатот во своја полза. По изедначувањето (35:35), во 26.минута водевме со (39:35). Но до крајот на овој период од играта, Црна Гора, сепак имаше мала предност (46:44). Егал резултат на семафорот стоеше се до 35.минута (54:53), но со лош финиш во кој дадовме само два поени за пет минути, ја загубивме оваа прва „контрола“.
Со 15 поени се издвои Стојаноски, а двоен број на поени даде само уште Бошалески 11 (3/5 во шутот за три поени).
Утре на исто место, со почеток од 18 часот, двете селекции ќе го одиграат вториот контролен меч.
