Денеска во Струга од 17:30 часот, во пријателски меч, силите ќе ги одмерат Струга ТЛ и Тиквеш. Секако дека тоа ќе биде убава можност за двајцата тренери Ќатип Османи и Ѓорѓи Мојсов да видат до каде е формата на нивните екипи во пресрет на евро настапите во квалификациите во ЛШ и ЛК.
Ова ќе биде и своевиден и “Суперкуп на Македонија“, ако се знае дека Струга ТЛ е актуелен шампион на Македонија а Тиквеш актуелен освојувач на Купот на Македонија.
Инаку кавадарчани од денеска се на подготовки во Охрид каде покрај денешната контрола со Струга ТЛ, ќе одиграа уште два меча. Денешниот меч за Струга ТЛ е прва ова лето, мислиме на пријателска, што значи своето деби на клупата ќе го има Ќатип Османи. Додека за Тиквеш ова е втора контрола во текот на овие подготовки, пред неколку дена во Тетово тимот на Тиквеш беше поразен од Шкендија со 1:0.