Мирланд Даку преку социјалните мрежи се извини за својата постапка oткако се соочи со дисциплинска постапка покрената од страна на УЕФА поради неговото недолично однесување. По крајот на мечот меѓу Хрватска и Албанија пред албанските навивачи почна да извикува пцовки кон Македонците и Србите, па наиде на осуда од страна на целата европска фудбалска јавност.„Простете ако навредив некого после натпреварот со Хрватска. Ефектот на натпреварот си го прави своето. Простувањето е човечко, а јас чувствувам морална и професионална обврска да се извинам. Продолжувам да работам заедно со целиот тим за да ги исполниме нашите соништа“, напиша Даку меѓу другото на социјалните мрежи.
