Кадетската одбојкарска репрезентација на Македонија ќе се бори за 5. место на Балканското првенство во Тирана. Во групната фаза, нашите девојки беа поразени со 3:0 и од селекцијата на Бугарија, со што го освоија 3. место и во разигрувањето ќе се борат за петтата позиција со третопласираната селекција од другата група, односно кадетките на Црна Гора.
БУГАРИЈА – МАКЕДОНИЈА 3:0 (25:14, 25:14, 25:11)
Во последното 3. коло од групната фаза, избраничките на Александар Митев загубија од Бугарија со убедлив резултат, во меч во кој Бугарките го потврдија својот фаворитски статус.
Црногорките со кои утре ќе се бориме за петтата позиција, во групната фаза исто така остварија само една победа и тоа над репрезентацијата на Молдавија.
