Денеска со мечевите од групата – А стартува третото коло од ова ЕУРО 2024, и двата меча се играат во исто време, од 21 часот.
Во Франкфурт се среќаваат Швајцарија и Германија. “Панцерите“ со двете победи во првите две кола се веќе во осминафиналето, додека на Швајцарците им одговара и реми, со бод тие и дефинитивно ќе бидат втори во оваа група. Секако дека и со пораз имаат големи шанси да одат натаму како една од најдобрите четири третопласирани екипи.
Вечерва во Штутгарт се игра и мечот меѓу Шкотска и Унгарија. Се чини дека реми не им од одговара никому, а кој ќе победи веројатно ќе се најде во осминафиналето. Но кој ќе бидат најдобрите четири третопласирани селекции ќе се знае откако ќе се одиграат сите мечеви во сите групи од ова трето коло на ЕУРО.
ДЕНЕСКА НА ЕУРО 2024
ГРУПА – А (21:00 Ч)
ШТУТГАРТ: ШКОТСКА – УНГАРИЈА
ГРУПА – А (21:00 Ч)
ФРАНКФУРТ: ШВАЈЦАРИЈА – ГЕРМАНИЈА
