УЕФА ја казни Данската фудбалска федрација за истакнување на транспарент со навредлива порака за време на натпреварот против Англија.
Данската фудбалска федерација е казнета со 10.000 евра (10.700 долари) за навредлив транспарент против УЕФА што беше истакнат за време на ремито 1-1 на Данска со Англија на Европското првенство во Германија во средата.
„Ќе ја платиме казната, но најважно ни е да ги идентификуваме оние кои го донеле транспарентот, а потоа ќе им ја донесеме сметката“, изјави претседателот Ерик Брогер Расмусен.
Минатата недела УЕФА ги казни со иста сума фудбалските сојузи на Албанија и Србија за навивачите кои истакнаа транспаренти со националистички пораки.
Данска денеска игра против Србија, дуелот е закажан со почеток во 21 часот.
