За првпат во историјата Словенија се пласираа во нокаут фазата на едно големо натпреварување, а селекторот Матјаж Кек вели дека не го очекувал тоа.
Словенија о освои третото место во групата Ц, зад Англија и Данска, а пред Србија која го заврши настапот на овогодинешното Европско првенство.
„Навистина не очекував дека ќе поминеме. Со играта покажавме дека заслужуваме да одиме понатаму. Игравме против еден од фаворитите на турнирот. Се чувствував позитивно во текот на денот. Покажавме ментална сила. Ги анализиравме, но кога станавме пасивни имавме проблеми. Малку имавме среќа, што ни недостигаше против Србија. Јас сум исклучително горд на овој тим. Ова е почеток на нова и убава ера за словенечкиот фудбал“, изјави Кек.
