Македонската женска репрезентација ќе игра за 15-то место на СП У20 кое се одржува во Скопје, откако денеска беше совладана од Јужна Кореја. Избраничките на Дарко Јанев за противник ќе ја имаат селекцијата на Кина.
„Единствено што Кореја трча повеќе од нас и има пренос на топка, беше различно. Додека работевме според договореното, се беше во ред. Како почна индивидуалната игра во нападот и во одбрана, ние потонавме. Како да заврши Светското првенство за девојките, така чувствувам. Како да се веќе истрошени. Одигравме многу лош меч, можеби има и некоја светла точка затоа што голем дел од кадетките добија шанса со Кореја, што во некои сегменти од мечот не беше воопшто лошо. Сега ни следи Кина, сакаме да завршиме со победа“, изјави Јанев по мечот.
