Селекторот на шпанската репрезентација Луис де ла Фуенте ги сподели своите очекувања за натпреварот со Грузија во 1/8-финалето на Евро-2024.
„Имаме најголема почит кон тимот на Грузија. Овој тим игра одличен турнир, ја победи Португалија. Ќе треба да ја покажеме најдобрата верзија од себе за да имаме шанса да се пласираме во четвртфиналето. Нивните играчи многу брзо излегуваат во контранапади. Ќе треба да бидеме крајно претпазливи. Искуството од учеството во првата фаза, самодовербата и мотивацијата што се појавија по победата против Португалија, ги прават поопасни“, вели Де ла Фуенте.
Натпреварот меѓу Шпанија и Грузија ќе се одигра на 30 јуни во Келн.
