Женската младинска репрезентација на Македонија на последниот натпревар на Светското младинско првенство во Скопје загуби од Кина со 25:23 и се пласираа на 16. позиција во генералниот пласман.
Неизвесно беше некаде до 45 минута, а потоа Кина постојано ја држеше разликата на еден или два гола за на крај да слави победа. Kај Македонија, Емилијана Ризоска имаше одличен меч со 11 гола.
Македонија на ова СП запиша две победи во групата (над САД и Ангола), одигра реми со Португалија, а беше поразена од Исланд и во разигрувањето за пласман загуби од Јужна Кореја, Црна Гора и Кина.
