Репрезентацијата на Англија, големиот фаворит за трофејот на ЕП, има негатива по првото полувреме во осминафиналниот дуел против Словачка. Иако ја имаа топката во посед, сепак, англиските фудбалери не успеаја сериозно да го загрозат голот на Словаците. А противникот искористи еден момент во 25 минута и ја начна мрежата на Пикфорд.
Куцка стигна топка пред Гуехи кој патем се повреди, а Стрелец ја поведе акцијата и подаде до Шранц кој сам пред Пикфорд ја смести топката во голот.
